O Pan de Carballo é unha das identidades alimentarias máis recoñecibles do noso país. A súa elaboración, transmitida en obradoiros familiares, mantén procesos que se documentan na zona desde fai séculos. O Concello de Carballo encarga unha publicación que recolla o patrimonio vivo, con voz das persoas que aínda o elaboran.
O libro percorre a historia documentada do pan na bisbarra, os obradoiros activos, o ciclo de elaboración paso a paso, e os usos sociais do pan na celebración, no traballo e na cociña popular.
A fotografía traballa nun rexistro documental honesto. Sen escenificación, sen luz artificial nin atrezzo. Retratos dos panadeiros nos seus obradoiros, primeiros planos das mans coa masa, planos amplos dos fornos en funcionamento. A intención é restituír dignidade ao oficio.
O deseño editorial opta por unha caixa de texto ampla, marxes xenerosas, e unha tipografía elixida pola súa lexibilidade en lectura longa e pola súa carga editorial. As fotografías ocupan páxinas dobres nos momentos clave do ciclo.