Este cartel parte dunha idea clara. Dar protagonismo ao xogo e ao movemento. A billarda é acción, precisión e corpo en tensión, e iso tradúcese nun deseño baseado na escala tipográfica, no contraste e na sensación de dinamismo.
O uso de letras grandes e desenfocadas crea profundidade e transmite velocidade. Non fai falta máis para entender o que pasa. O fondo en degradado achega frescura e conecta coa idea de xornada aberta, ao aire libre e compartida. Un cartel pensado para verse rápido, lembrarse fácil e funcionar tanto en rúa como en redes.
Deseño ao servizo do deporte popular. Claro, directo e con identidade propia.